Sport24.az
"İmişli" Misli Premyer Liqasının 5-ci turunda "Karvan-Yevlax"ı 3:0 hesabı ilə məğlub edib. Sport24.az xəbər verir ki, oyunsonrası mətbuat konfransında Jorj Kaşkilya jurnalistlərin suallarını cavablayıb.
- Oyun üstünlüyümüzlə keçdi. Rəqib təzyiq etsə də, qol vura bilmədi. Öz oyunumuzu diqtə edə bildik. Hesab 2:0 olanda rahat futbol oynamağa başladıq. Bilirdik ki, rəqib qol vursa, mübarizə başqa cür oldu. Lakin buna imkan vermədik. Üçüncü qolu da vurduq. Daha artığını edə bilərdik. Hakimlərə sözüm var: Bir penaltimiz olmali idi, verilmədi. Elvin Yunuszadə Almeydaya qarşı kobud oynadı. Vieqasın epizodu bundan daha təhlükəli deyildi. Onlardan daha diqqətli olmaqlarını xahiş edirəm.
- Ardıcıl üçüncü oyundu ki, meydandan qalib ayrılırsız. Hədəfiniz dəyişməz?
- Xeyr, hədəfimiz sabitdi. Üç qalibiyyət 1-ci liqadan gələn komanda üçün böyük nailiyyətdi. Hədəfimiz budu. Şükürlər olsun ki, bacarırıq. Maliyyə baxımdan daha güclü komandalar var. Hər oyun məğlub olmamağa, qalib olmağa çıxırıq.
- Komandanı psixoloji olaraq hazırlamaq çətin olmadı ki?
- Xeyr. Çətin deyildi. Problem bizə aid deyildi. Bir gecə bunu düşündük, bitdi. Daha sonra bu oyuna hazırlaşdıq.
- "Qarabağ"ın "Benfika"nı məğlub etməsi sizi təəccübləndirdi?
- "Qarabağ"ı təbrik edirəm. Hamımız üçün tarixi qalibiyyətdi. "Benfika"a azarkeşlik edirdim. Top yumrudu. Hər şey ola bilər. "Qarabağ" daha üstün oyun oynadı.
- Portuqaliya camiyəsində Azərbaycan çempionatına maraq çoxala bilər?
- Əlbəttə, təsiri olacaq. Hamı "Benfika"nın qalibiyyətini gözləyirdi. Bu qələbə Azərbaycan çempionatının səviyyəsi göstərir. "A Bola" qəzetində "İmişli" haqda da danışılıb. Portuqaliya mediasının marağı artacaq. Portuqal məşqçilər dünyanın hər yerində işləyir.
- "Qarabağ"ın "Benfika" üzərində qələbəsinə daha çox inanardız, yoxsa "İmişli"nin ardıcıl üç qələbəsinə?
- Siz hansına inanardız? (gülür)
- Heç birinə (gülür)
