Sport24.az
"İmişli" bu gün Azərbaycan Premyer Liqasının 17-ci turunun açılış matçında "Araz-Naxçıvan"la üz-üzə gəlib. Sport24.az xəbər verir ki, Quba Olimpiya Kompleksinin stadionunda keçirilən və 2:2 hesabı ilə başa çatan matçdan sonra bölgə təmsilçisinin baş məşqçisi Jorj Kaşkilyanın mətbuat konfransı olub.
Portuqaliyalı çalışdırıcı nəticəyə görə ruhdan düşdüklərini bildirib:
"Nəticəyə görə ruhdan düşmüşük. Futbolçularım yaxşı oyun göstərdilər. Göstərdikləri oyuna görə nəticə fərqli olmalı idi. Bilirdik ki, çətin oyun olacaq. Rəqibin yeni baş məşqçisi var, əlbəttə ki, oyunçular özlərini yaxşı tərəfdən göstərməyə çalışdılar. Güclü komandadır, avrokuboklar uğrunda yarışırlar. Əlbəttə ki, oyun bərabər şəraitdə keçirdi, hər iki komanda mübarizə aparırdı. Standart vəziyyətlərdən qollar vuruldu. Uzatma dəqiqələrində standart vəziyyətdən qol buraxdıq. Belə olmasını istəməzdik. Nəticəyə görə üzgünük.
Qışda oyunçu transfer etmək çətin olur. Onların öz komandalarında sabit yerləri var. Ona görə də, bu məsələdə çətinlik olur. Portuqaliyanın ikinci liqasındakı oyunçular çox yaxşıdırlar. Sadəcə olaraq, hər şey büdcədən asılıdır. Onlar orada yüksək maaş alırlar.
Rəqibin bizim oyunçunu yıxdığı epizod penaltiyə oxşadı. Çalışdıq ki, təkrarına baxaq, amma təkrarı verilmədi. Ona görə də, dəqiq bir fikir bildirə bilmərəm. Hakimin idarəçiliyi barədə də heç nə deyə bilmərəm". (Komanda.az)
