Idman.biz
Jordi Alba Lionel Messi ilə birlikdə oynamağın onun üçün nə demək olduğundan danışıb.
İdman.Biz bildirir ki, hazırda bu futbolçular "İnter Mayami"də çıxış edirlər.
"Heç vaxt tarixin ən yaxşıları ilə oynayacağımı düşünməmişdim. Meydanda belə bir əlaqəmiz olacağını da. Bu, mənim üçün bir şərəf idi. Demək olar ki, bütün karyeram boyu onunla birlikdə oynamışam. Və hələ də bir-birimizi başa düşürük.
Dünyanın ən yaxşıları ilə oynamaq mənim üçün böyük şərəfdir. O cümlədən tarixin ən yaxşı futbolçusu hesab etdiyim Leo ilə. Belə bir oyunçu ilə olan təmas karyeram boyu möhtəşəm idi.
Belə bir səviyyəli oyunçu ilə oynamaq insanı daha yaxşı oyunçu edir. Dünyanın ən yaxşı oyunçuları ilə oynamaq şansım olub. Və onlar məni daha yaxşı oyunçu etdilər", - deyə Alba bildirib.
