Idman.biz
"Çelsi"nin 24 yaşlı braziliyalı hücumçusu Joao Pedro avqust ayından bəri ilk qolunu vurmasından danışıb.
İdman.Biz xəbər verir ki, o, İngiltərə Premyer Liqasının 10-cu turunda "Tottenhem"ə qarşı keçirilən oyunda (1:0) komandasına qələbə qazandıran qolu vurub.
Futbolçu bu barədə klubun rəsmi saytına açıqlama verib:
"Bu qola çox ehtiyacım var idi, çünki uzun müddətdir qol vurmurdum və komandam məndən bunu gözləyirdi. Nəhayət, bu gün bacardım və çox sevinirəm. Hər zaman komandama kömək etməyə çalışıram - istər qol vurmaqla, istərsə də ötürmə verməklə. Əgər yaxşı oynasam, qollar öz-özünə gələcək. Əsas məsələ matçları qazanmaqdır. Mənim qol vurmaq üçün çox imkanım oldu, amma gördüyünüz kimi, bəzi hallarda komanda yoldaşlarıma da ötürmə verdim. Çalışıram ki, komanda üçün oynayım".
Qeyd edək ki, 10 turdan sonra "Çelsi" Premyer Liqada 17 xalla 5-ci yerdədir. "Tottenhem" isə eyni xalla 4-cü pillədə qərarlaşıb.
