Sport24.az
"Barselona"nın prezidenti Joan Laporta Lamin Yamal və Frenki de Yonqla müqavilənin uzadılması ilə bağlı aparılan danışıqlardan danışıb. O, bu barədə "La Vanguardia" portalına açıqlama verib:
"Yamal fərdi istedadı yüksək olan futbolçudur. O, həmçinin komanda oyunçusudur. Özünü burada yaxşı hiss edir. Onun agenti Xorxe Mendeşlə asanlıqla əlaqə saxlayırıq. Müqavilənin uzadılması ilə bağlı demək olar artıq razılıq əldə olunub. İndi yalnız onu ratifikasiya etmək qalır. Biz oyunçulara qabiliyyətlərinə görə maaş veririk. Biz yüksək məvacib verən klubuq".
Laporta qeyd edib ki, de Yonq şəxsi işlərini həll edən kimi onunla da anlaşma imzalanacaq.
Qeyd edək ki, Yamal cari mövsümdə "Barselona"nın heyətində ümumilikdə 53 oyun keçirib, 17 qol vurub və 25 məhsuldar ötürmə edib. De Yonq isə 44 oyun keçirib, 2 qol vurub və 2 məhsuldar ötürmə edib.
