Idman.biz
İspaniyanın "Jirona" klubuna keçidi rəsmiləşən Aalmaniyalı qapıçı Ter Ştegen "Barselona" azarkeşlərinə vida müraciəti ünvanlayıb.
İdman.Biz xəbər verir ki, müraciət sosial şəbəkələ vasitəsilə ünavanlanıb.
"Bu gün burada son günümdür və qarışıq hisslər keçirirəm. Xatirələr və duyğular məni bürüyür. Demək olar ki, 12 il ərzində bu klub mənim üçün ikinci ev olub – burada həm futbolçu, həm də insan kimi formalaşmışam, çoxsaylı unudulmaz anlar yaşamışam.
Bu müddət ərzində göstərdiyiniz əvəzsiz dəstəyə görə sizə, dünyanın ən yaxşı azarkeşlərinə dərin minnətdarlığımı bildirirəm. Kapitan sarğısını daşımaq mənim üçün böyük şərəf idi. "Barselona"nı sevirəm, komandaya bu mövsümdə uğurlar arzulayıram və hələ çoxlu qələbələr, qazanılmış titullar görəcəyimizə ümid edirəm. Tezliklə görüşənədək", — futbolçu sosial şəbəkə hesablarında yazıb.
33 yaşlı Ter Ştegen 2014-cü ildən etibarən katalon klubunun şərəfini qoruyurdu.
