Idman.biz
"Kəpəz" qış təlim-məşq toplanışına dörd gündü start verib. Amma Cefferson Bentu hələ də kollektivə qoşulmayıb.
İdman.Biz sportinfo.az-a istinadən xəbər verir ki, braziliyalı Gəncəyə qayıtmaq istəmir.
Belə ki, yeni il tətilində istirahət etmək üçün vətəninə gedən mərkəz müdafiəçisi geri qayıtmaq fikrində deyil. O, bu barədə Qərb təmsilçisinə mesaj göndərib. Hətta 22 yaşlı cənubi amerikalı üçün alınan qayıdış bileti də batıb.
Hazırda stoperin yola gətirilməsi üçün danışıqlar davam edir.
Qeyd edək ki, ötən yay "Kəpəz"ə transfer edilən Ceffersonla mövsümün sonuna qədər qüvvədə olan müqaviləsi var.
O, bu mövsüm 16 görüşdə meydanda çıxıb.
