Sport24.az
Xorvatiyanın "Hayduk" klubunun ulduz futbolçusu İvan Rakitiç UEFA Konfrans Liqasının II təsnifat mərhələsində "Zirə" ilə matçlarda iştirak etməyə bilər. Sport24.az yerli mətbuata istinadən xəbər verir ki, 37 yaşlı yarımmüdafiəçinin Split təmsilçisindəki taleyi sual altındadır.
Komanda yeni mövsümöncəsi hazırlığa başlayıb. Amma təcrübəli oyunçu həyat yoldaşı ilə Yunanıstanda tətildədir. O, Müşahidə Şurasının iyunun 30-da keçiriləcək iclasını gözləyəcək və rəhbərliyin planlarına əsasən qərar verəcək.
Rakitiçin karyerasını bitirmək və ya klubda başqa vəzifədə çalışmaq ehtimalı da var. Müqaviləsi başa çatan futbolçunun sözləşməninin daha bir il artırılması imkanı var.
Qeyd edək ki, "Hayduk"la "Zirə" arasındakı ilk matç iyulun 23-də "Neftçi Arena"da keçiriləcək. Cavab görüşü iyulun 31-də olacaq.
