Sport24.az
"Roma", "Sampdoria", "Milan" və İtaliya millisinin sabiq hücumçusu Antonio Kassano İtaliya çempionatının səviyyəsi barədə fikirlərini bölüşüb. Sport24.az xəbər verir ki, veteran futbolçu A Seriyasında keyfiyyətin çox aşağı olduğunu deyib:
"İtaliya çempionatı acınacaqlıdır, heç bir emosiyalar yaratmır. A Seriyası yalnız azarkeşlərin ehtirası sayəsində mövcuddur. Lakin futbolun keyfiyyəti çox aşağıdır. Bu, utancverici vəziyyətdir. Bəzi oyunlara baxmaq əsl əzabdır. Nə ritm var, nə də tamaşa".
Qeyd edək ki, İtaliya A Seriyasının 7-ci turunda antirekord qeydə alınıb. Belə ki, 10 oyyunda qapılara cəmi 11 qol vurulub.
