Idman.biz
İtaliya A Seriyasının 22-ci turunda "Roma" öz meydanında "Milan"ı qəbul edib. "Olimpiko" stadionunda baş tutan qarşılaşma 1:1 hesablı heç-heçə ilə yekunlaşıb.
İdman.Biz xəbər verir ki, matçda hesab 62-ci dəqiqədə açılıb. "Milan"ın müdafiəçisi Koni de Vinter fərqlənərək qonaqları önə keçirib. "Roma" isə 74-cü dəqiqədə cavab verib. Lorenzo Pelleqrini penalti zərbəsini dəqiq yerinə yetirərək tarazlığı bərpa edib. Qarşılaşmanın qalan hissəsində hesab dəyişməyib.
Bu nəticədən sonra "Roma" 22 oyundan 43 xal toplayaraq turnir cədvəlində üçüncü pillədə yer alıb. "Milan" isə 47 xalla ikinci mövqedə qərarlaşıb.
23:04
İtaliya A Seriyasının 22-ci turunda "Yuventus" "Napoli" üzərində 3:0 hesabı ilə qələbə çalıb.
İdman.Biz xəbər verir ki, Turindəki "Allyans" stadionunda keçirilən matçda hesab 22-ci dəqiqədə "Yuventus"un hücumçusu Conatan Devidin qolu ilə açılıb. Kenan Yıldız qarşılaşmada komandasının ikinci qolunu vurub. Turin təmsilçisinin futbolçusu 77-ci dəqiqədə fərqlənib. Oyunda yekun hesabı 86-cı dəqiqədə Filip Kostiç müəyyənləşdirib - 3:0.
Turnir cədvəlində "Napoli" 22 oyundan sonra 43 xalla dördüncü pillədə yer alır və lider "İnter"dən 9 xal geri qalır. "Yuventus" isə 42 xalla A Seriyasında beşinci mövqedə qərarlaşıb.
20:49
İtaliyanın A Seriyasının 22-ci turunda "Atalanta" doğma meydanda "Parma" üzərində inamlı qələbə qazanıb.
İdman.Biz xəbər verir ki, Berqamo klubu rəqibini 4:0 hesabı ilə məğlub edib. Görüşdə Canluka Skamakka, Marten de Ron, Cakomo Raspadori və Nikola Krstoviç fərqləniblər.
Bu nəticə ilə "Atalanta" 35 xala yüksələrək turnir cədvəlinin yeddinci pilləsində qərarlaşıb. "Parma" isə 23 xalla 15-ci yerdə qalıb.
Turun digər qarşılaşmasında "Cenoa" öz meydanında "Bolonya"nı 3:2 hesabı ilə məğlub edib.
19:15
İtaliya A Seriyasının 22-ci turu çərçivəsində keçirilən "Sassaulo" - "Kremoneze" qarşılaşması ev sahiblərinin minimal hesablı qələbəsi ilə başa şatıb.
İdman.Biz xəbər verir ki, oyunun üçüncü dəqiqəsində yeganə qolu Alyu Fadera vurub.
Bu hesabla "Sassaulo" xal ehtiyatını 26-ya çatdırıb.
