İtaliya A Seriyası: "İnter" - "Bolonya" qarşılaşması - Superkubokdakı revanş şansı - İDMAN.BİZ-in İCMALI

İtaliyada futbol üzrə milli çempionat yeni ilə fasiləsiz daxil olub. 18-ci tur artıq start götürüb və yanvarın 4-ü axşam saatlarınadək davam edəcək.

İdman.Biz-in məlumatına görə, hazırda turnir cədvəlinə "Milan" (38 xal) başçılıq edir. Lakin zirvədə vəziyyət dəyişkən olaraq qalır, çünki "İnter" (36) və "Napoli"nin (34) ehtiyat oyunları var.

"İnter" – "Bolonya" (4 yanvar)

Turun mərkəzi qarşılaşması Milanda, "San-Siro" stadionunda keçiriləcək. Oyun Bakı vaxtı ilə saat 23:45-də (yerli vaxtla 20:45) başlayacaq.

Bu matç turnir cədvəlində birinci yer uğrunda mübarizə baxımından "İnter" üçün son dərəcə vacibdir. Qələbə Milan təmsilçisini ən azı rəqiblərin cavab oyunlarınadək liderliyə yüksəldəcək.

Komandalar oyuna son turların fərqli fonu ilə gəlir. 17-ci turda "İnter" "Atalanta"nı 1:0 hesabı ilə məğlub edib, "Bolonya" isə "Sassuolo" ilə 1:1 hesablı heç-heçə oynayıb. Qarşılaşmaya əlavə intriqa Superkubokda baş tutmuş son duel ilə bağlıdır. Həmin oyunda "Bolonya" əsas vaxtda heç-heçədən sonra penaltilər seriyasında "İnter"i məğlub edərək yarımfinal mərhələsini adlayıb.

Oyun ərəfəsində heyət durumu da diqqət çəkir. "İnter"də Françesko Açerbi ümumi məşq qrupuna qayıdıb və matçın sifarişində yer alması gözlənilir. Anj-Yoan Bonni və Matteo Darmian isə son vaxtlar fərdi proqram üzrə çalışıblar. "İnter"də Di Cennaro, Dumfris, Palasios və Bonni zədə səbəbindən əlçatmazlar siyahısındadır.

"Bolonya"da isə Lukas Skorupski və Federiko Bernardeski zədəli futbolçular sırasında yer alır. Vinçenso İtalyanonun rəhbərlik etdiyi komanda Superkubokda Milan nəhənginə qarşı layiqli mübarizə aparmağı bacarıb və yenidən sürpriz etməsi istisna olunmur.

A Seriyasının 18-ci turunun digər oyunları

2 yanvar

"Kalyari" – "Milan" 0:1

3 yanvar

"Komo" – "Udineze"

"Cenoa" – "Piza"

"Sassuolo" – "Parma"

"Yuventus" – "Leççe"

"Atalanta" – "Roma"

4 yanvar

"Latsio" – "Napoli"

"Fiorentina" – "Kremoneze"

"Verona" – "Torino"

A Seriyasının turnir cədvəli (hazırkı vəziyyət)

"Milan" – 38

"İnter" – 36

"Napoli" – 34

"Roma" – 33

"Yuventus" – 32

"Komo" – 27

"Bolonya" – 26

"Latsio" – 24

"Sassuolo" – 22

"Atalanta" – 22

"Udineze" – 22

"Kremoneze" – 21

"Torino" – 20

"Kalyari" – 18

"Parma" – 17

"Leççe" – 16

"Cenoa" – 14

"Verona" – 12

"Piza" – 11

"Fiorentina" – 9