İsveçə 3-cü səfər

Azərbaycan millisi sabah İsveçlə qarşılaşacaq.

İdman.biz xəbər verir ki, Millətlər Liqasının VI turunun matçı Solnada keçiriləcək.

C liqasının 1-ci qrupunun görüşü iki komanda arasında 6-cı qarşılaşma olacaq. Əvvəlki 5 oyunda Skandinaviya təmsilçisinin üstünlüyü qeydə alınıb.

Millimiz bir, şimallılar dörd qələbə qazanıb. İndiyədək heç-heçə etməyən rəqiblər heç vaxt yoldaşlıq oyununda üz-üzə gəlməyiblər. Bütün matçlar rəsmi turnirlər çərçivəsində olub.

Azərbaycan və İsveç yığmalarının oyunları məhsuldarlığı ilə də diqqət çəkir. 5 görüşdə 16 qol vurulub ki, bunlardan 4-nə yığmamız, 12-nə rəqib imza atıb.

İlk üç qarşılaşmada qola həsrət qalan Azərbaycan millisi son iki oyunda rəqib qapısına yol tapıb. XXI əsrə təsadüf edən dörd matçın hamısında qalib gələn tərəf ən azı 3 qol vurub.

3-cü dəfə İsveçə səfər edən yığmamız Skandinaviyadan quru və böyükhesablı məğlubiyyətlə dönüb – 0:3, 0:5.

İsveç - Azərbaycan: Bütün oyunlar
2 sentyabr 2000. Bakı. DÇ. Azərbaycan – İsveç - 0:1
7 oktyabr 2001. Stokholm. DÇ. İsveç – Azərbaycan - 3:0
27 mart 2023. Solna. AÇ. İsveç - Azərbaycan - 5:0
16 noyabr 2023. Bakı. AÇ. Azərbaycan - İsveç - 3:0
5 sentyabr. Bakı. UML. Azərbaycan – İsveç - 1:3

DÇ – dünya çempionatının seçmə oyunu, AÇ – Avropa çempionatının seçmə oyunu, UML – UEFA Millətlər Liqası, BT – beynəlxalq turnir, YO – yoldaşlıq oyunu

Vüqar Xeyrullayev
İdman.biz