Idman.biz
Türkiyə mediasında futbolda mərc və danışılmış oyunlarla bağlı aparılan istintaq çərçivəsində "Qalatasaray" klubunun futbolçuları Barış Alper Yılmaz və Abdülkerim Bardakçı ilə bağlı araşdırma başladıldığı yazılıb.
İdman.Biz xəbər verir ki, İstanbul Respublika Baş Prokurorluğu iddia ilə bağlı rəsmi açıqlama yayıb.
Açıqlamada bildirilir ki, Barış Alper Yılmaz və Abdülkerim Bardakçı barəsində hər hansı istintaq və ya araşdırma aparılmır.
Qeyd edək ki, daha əvvəl mərc əməliyyatı çərçivəsində həbs edilən "Qalatasaray" futbolçusu Metehan Baltacının mobil telefonundakı yazışmalardan sonra Barış Alper Yılmaz və Abdülkerim Bardakçı ilə bağlı araşdırma aparıldığı iddia olunmuşdu.
