Sport24.az
İsrail mətbuatı Konfrans Liqasının təsnifat mərhələsinin II turunun "Sabah" və "Makkabi" komandaları arasında Masazırda keçiriləcək cavab oyunu haqda yazıb. Sport24.az xəbər verir ki, "ONE" portalı Hayfa klubunun növbəti mərhələyə yüksəlmək şansının olmadığını oxucularının diqqətinə çatdırıb:
"Makkabi" dünən səhər "Sabah"a qarşı keçiriləcək cavab matçının hazırlıqlarına başlayıb. Onlar avrokuboklarla erkən vidalaşa biləcəklərini anlayırlar. hayfalıların3 top fərqini aradan qaldıraraq Azərbaycan klubunu keçmək şansı çox azdır. Bundan əlavə, "Sabah" kombinasiyalı futbol oynayır və istənilən vaxt qol vura bilər. İsrail klubu böyük qüvvə ilə irəli atılmaq məcburiyyətindədi ki, bu da "Sabah"ın işinə yarayacaq.
Hayfa klubu çempionata hazırlaşır və səfərdən qələbə ilə dönmək onlara psixoloji cəhətdən kömək ola bilər. "Biz "Makkabi"yik və cavab oyununa ağ bayraqla çıxmaq fikrimiz yoxdur. Biz mümkün olan hər şeyi edəcəyik və nə olacaqsa, olacaq" şüari "Makkabi" tərəfindən gəlib. Komandanın əsas futbolçularından olan Maor Qandil və Abdulaye Sekanın da cavab görüşündə "Sabah"a qarşı oynaya biləcəyini vurğulamaq lazımdı.
Qeyd edək ki, komandalar arasında cavab oyunu avqustun 1-də Masazırda, "Bank Respublika Arena"da keçiriləcək və matçın start fiti saat 21:00-da səslənəcək.
