Idman.biz
İtaliya millisi 2026-cı il dünya çempionatının seçmə qrup mərhələsi çərçivəsində İsrail yığmasına 5:4 hesabı ilə qalib gəlib.
İdman.biz bildirir ki, final fitindən sonra komandalar arasında münaqişə yaranıb.
Belə ki, İtaliya komandasının futbolçuları Canluici Donnarumma və Cakomo Raspadori matçdan sonra İsrail yığmasının futbolçuları ilə mübahisə edib. Məsələyə qarışan "Skuadra Adzurra"nın baş məşqçisi Cennaro Qattuzo da israilli oyunçularla yüksək tonlarda danışıb, onlardan birinə qarşı nalayiq ifadə işlədərək səsini kəsməsini tələb edib.
I qrupunun cədvəlində İtaliya dörd oyunda doqquz xalla ikinci yerdədir. Lider Norveçlə fərq üç xaldır. İsrail beş matçda doqquz xalla üçüncü yerdədir.
İdman.biz
