Sport24.az
"Çempionlar Liqası mükəmməl turnirdir". Spor24.az xəbər verir ki, bu sözləri İspaniyanın "Atletik" klubunun sabiq futbolçusu İsmael Ursais La Liqa təmsilçisinin rəsmi televiziyasına açıqlamasında deyib.
54 yaşlı veteran hücumçu qitənin bir nömrəli klub turnirində evdə "Qarabağ"a qarşı keçirəcəkləri matçla bağlı fikirlərini bölüşüb:
"Çempionlar Liqasındakı iki iki qarşılaşmada həqiqətən güclü komandalarla üz-üzə gəldik və səviyyənin çox yüksək olduğunu gördük. Növbəti oyun da asan olmayacaq. Biz ilk qələbəyə nail olmaq üçün səviyyəmizi göstərməliyik. "Qarabağ"ın iki qələbə qazanması gözlənilməz idi. Onları yaxından izləyənlərdən başqa "Atletik" azarkeşlərinin çoxu rəqibi o qədər də yaxşı tanımır. Lakin onların potensialı iki qalibiyyətlə göz qabağındadır".
Qeyd edək ki, "Atletik" - "Qarabağ" matçı oktyabrın 22-də, Bakı vaxtı ilə saat 20:45-də başlayacaq. İsmael Ursais 1996-2001-ci illərdə İspaniya millisinin heyətində 25 matçda 8 qola imza atıb.
