Sport24.az
Müqaviləsinin müddəti iyunda başa çatan Alexandro Serrano "Turan Tovuz"u tərk edə bilər. Sport24.az-ın əldə etdiyi məlumata görə, yarımmüdafiəçi yeni anlaşmaya imza atmaq üçün məvacibinin 2 dəfədən çox artırılmasını istəyir. Əks halda klubdan ayrılacağını rəhbərliyin diqqətinə çatdırıb.
Mənbəmizin bilgisinə əsasən, köhnə müqaviləyə görə aylıq maaşı 8 min dollar olan ispaniyalı futbolçu yeni sözləşmə üçün "boz qurdlar"dan 17 min dollar istəyir.
Qeyd edək ki, 2023-cü ildən Qərb təmsilçisinin formasını geyinən futbolçu 2024/25 "futbol ili"ndə "Turan Tovuz"un heyətində ümumilikdə 35 oyuna çıxıb, 4 qol vurub və 6 məhsuldar ötürmə ilə yadda qalıb. Gəzən söz-söhbətə inansaq "Neftçi" və "Zirə" mərkəz yarımmüdafiəçisinin xidmətində maraqlıdır.
