Idman.biz
DÇ-2026 seçmə mərhələsinin oyununda Gürcüstana qalib gələn (4:0) İspaniya 30 məğlubiyyətsiz matç keçirərək yeni rekorda imza atıb.
İdman.Biz bu barədə İspaniya Kral Futbol Federasiyasına istinadən məlumat verir.
Beləliklə, İspaniya millisi məşqçi Visente del Boskenin rəhbərliyi altında qazanılan rekordu qırıb. O zaman yığma 2010-cu ildən 2013-cü ilə qədər məğlubiyyətsiz olub. Luis de la Fuentenin komandası 2023-cü ildən bəri məğlubiyyətə uğramır. Bu müddət ərzində milli komanda Millətlər Liqasını və Avropa Çempionatını qazanıb.
2026-cı il dünya çempionatı seçmə mərhələsinin beş oyunundan sonra İspaniya 15 xal qazanıb və E qrupunda birinci yerdədir.
