Report.az
İspaniya La Liqasının XXIII turunda "Real Madrid" doğma meydanda "Atletiko" ilə 1:1 hesablı heç-heçə edib.
"Report"un məlumatına görə, görüş Madriddə "Santyaqo Bernabeu" stadionunda baş tutub.
"Real"ın heyətində Kilian Mbappe fərqlənib (50-ci dəqiqə). "Atletiko"nun qolunu Xulian Alvares (35-ci dəqiqədə penaltidən-red) vurub.
Komandalar tarixdə 238-ci üz-üzə oyunlarını keçiriblər, 63 görüş heç-heçə başa çatıb. "Real Madrid" 116, "Atletiko" 59 dəfə güclü olub. "Real Madrid" 2016-cı il fevralın 27-də "Atletiko"nun 1:0 hesablı qələbə qazandığı vaxtdan evdə "Atletiko"ya uduzmur.
İspaniya çempionatının turnir cədvəlinə 50 xalla "Real Madrid" başçılıq edir. "Atletiko" 49 xalla ikincidir. Növbəti mərhələdə "Real" fevralın 15-də səfərdə "Osasuna" ilə qarşılaşacaq, "Atletiko" isə həmin gün "Selta"nı qəbul edəcək.
