Idman.biz
İspaniya La Liqası qısa Milad və Yeni il fasiləsindən sonra fəaliyyətini bərpa edib.
İdman.Biz-in məlumatına görə, 18-ci tur üç günə yayılacaq: turun startı artıq 2 yanvarda verilib, turun son oyunu isə 4 yanvarda "Real Sosyedad" – "Atletiko" qarşılaşması ilə başa çatacaq.
Turnir cədvəlində liderliyini "Barselona" (46 xal) davam etdirir. Ondan dörd xal geri qalan "Real Madrid" ikinci pillədədir. Daha sonra "Atletiko" (37) və "Vilyarreal" (35) qərarlaşıb. Avrokuboklar zonasına yaxın mövqelərdə "Espanyol" (33) və "Real Betis" (28) də yer alır. Bu səbəbdən birbaşa rəqiblər arasındakı hər hansı xal itkisi vəziyyəti kəskin şəkildə dəyişə bilər.
"Espanyol" – "Barselona" (3 yanvar)
Kataloniya derbisi "RCDE Stadium"da keçiriləcək və Bakı vaxtı ilə saat 23:59-da başlayacaq.
Turnir baxımından bu, ilk altılıqda yer alan komandaların duelidir: "Barselona" birinci, "Espanyol" isə beşinci pillədədir. Mövsüm statistikası da fərqi göstərir: "Barselona" 51 qol vurub, 20 qol buraxıb, "Espanyol" isə 22 qol vurub və 17 qol buraxıb.
Görüşə əlavə fon gücləndirilmiş təhlükəsizlik tədbirləri ilə bağlıdır. "Espanyol" rəsmi şəkildə stadion ərazisinə "Barselona"ya aid hər hansı simvolikanın (atributika, şərf, bayraq və s.) gətirilməsini qadağan edib, həmçinin qapıarxası hissələrdə qoruyucu torların quraşdırılacağını açıqlayıb. Rejimin sərtləşdirilməsi səbəblərindən biri kimi "Barselona"nın heyətində "RCDE Stadium"a qayıdan qapıçı Joan Qarsiyanın faktoru da göstərilir. O, əvvəllər "Espanyol"da çıxış edib.
"Real"(Madrid) – "Real Betis" (4 yanvar)
Turun Madrid afişası "Santyaqo Bernabeu" stadionunda baş tutacaq və Bakı vaxtı ilə saat 19:15-də start götürəcək.
"Real"(Madrid) qarşılaşmaya ikinci pillədən, lideri təqib edərək çıxır. "Real Betis" isə altıncı yerdə qərarlaşıb və avrokuboklar uğrunda mübarizədə qalır. Mövsüm statistikası belədir: meydan sahiblərinin 36 vurulan, 16 buraxılan qolu var, "Betis" isə 29 qol vurub, 19 qol buraxıb. Qeyd etmək lazımdır ki, son illərdə keçirilən birbaşa oyunlardan birində "Real Betis" çempionat çərçivəsində madridliləri məğlub edib (2025-ci ilin martında 2:1).
La Liqanın 18-ci turunun digər oyunları
2 yanvar
"Rayo Valyekano" – "Xetafe" – 1:1
3 yanvar
"Selta" – "Valensiya"
"Osasuna" – "Atletik"
"Elçe" – "Vilyarreal"
4 yanvar
"Sevilya" – "Levante"
"Alaves" – "Real Ovyedo"
"Malyorka" – "Jirona"
"Real Sosyedad" – "Atletiko"
La Liqa turnir cədvəli (hazırkı vəziyyət)
"Barselona" – 46
"Real Madrid" – 42
"Atletiko" – 37
"Vilyarreal" – 35
"Espanyol" – 33
"Real Betis" – 28
"Selta" – 23
"Atletik" – 23
"Elçe" – 22
"Xetafe" – 21
"Sevilya" – 20
"Rayo Valyekano" – 19
"Osasuna" – 18
"Malyorka" – 18
"Alaves" – 18
"Real Sosyedad" – 17
"Valensiya" – 16
"Jirona" – 15
"Real Ovyedo" – 11
"Levante" – 10
