Idman.biz
Bu gecə futbolsevərlərin diqqəti "El Klasiko"ya yönələcək.
İdman.biz xəbər verir ki, "Barselona" və "Real Madrid" 2025-ci il İspaniya Kral kubokunun qalibini müəyyənləşdirəcəklər.
Rəqiblərin bu mövsüm La Liqa və İspaniya Super kubokunda keçirilən iki qarşılaşmasında "Barsa" böyük hesablarla qalib gəlib - müvafiq olaraq, 4:0 və 5:2.
İspaniya Kral kubokunun finalında isə 8-ci dəfə "El Klasiko" olacaq.
Əvvəlki finallarda "Real"ın 4, "Barsa"nın isə 3 qələbəsi var. 2011 və 2014-cü illərdəki son qarşılaşmalarda da Madrid klubu qalib gəlib - müvafiq olaraq, 1:0 və 2:1.
On bir il əvvəlki matçda Qaret Beylin 85-ci dəqiqədə sol cinahdan solo keçidlə vurduğu məşhur qolu, yəqin ki, azarkeşlər yaxşı xatırlayırlar.
Kubokda ilk "El Klasiko" finalı uzaq 1936-cı ildə keçirilib və "Real"ın 2:1 hesablı qələbəsi ilə başa çatıb. Daha sonra "Barselona" 1968-ci ildə "Santiaqo Bernabeu"da 1:0 qalib gələrək qisas almağı bacarıb.
1974-cü ildə "Real" katalon klubunu 4:0 hesabı ilə məğlub etsə də, 1983-cü ildə gərgin keçən görüşdə "Barsa" daha güclü olub - 2:1.
"Barselona"nın Kral kubokunun finalında "Real" üzərində sonuncu qələbəsi isə 1990-cı ilə təsadüf edib - 2:0.
Qeyd edək ki, Sevilyadakı "La Kartuxa" stadionunda keçiriləcək qarşılaşma Bakı vaxtilə gecə 00:00-da start götürəcək.
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
