Sport24.az
Maliyyə çətinliyi yaşayan "Barselona"nın rəhbərliyi Robert Levandovskinin yerinə yeni hücumçu transfer etmək istəyir. Sport24.az xəbər verir ki, Məhəmməd Salahın yüksək maaş gözləntilərinə görə transfer təklifini rədd edən Kataloniya komandası diqqəti iki namizədə yönəldəcək.
"Yuventus"un hücumçusu Duşan Vlahoviçlə müqavilə imzalamaq istəyi ilə bağlı məlumatlar ötən fevralda mətbuatda əksini tapmışdı. Transferə ikinci namizədin isə "Napoli"yə məxsus olan və "Qalatasaray"da çıxış edən Viktor Osimhen olduğu açıqlanıb. Neapollular futbolçu üçün 75 milyon avroluq transfer gözləyirlər.
"Barselona" hazırda nigeriyalı oyunçunun təkcə transfer qiymətindən deyil, həm də onun şəxsi müqaviləsi ilə bağlı tələblərindən narazıdır.
