Report.az
İspaniyanın "Valensiya" klubu "Real"ın futbolçusu Vinisius Junior haqqında çəkilən sənədli filmin yaradıcılarını məhkəməyə vermək istəyir.
"Report" xəbər verir ki, bu barədə "Relevo" nəşri məlumat yayıb.
Bildirilib ki, 2023-cü ilin mayında keçirilmiş "Valensiya" - "Real" matçı zamanı baş vermiş insident təhrif olunmuş şəkildə işıqlandırılıb. Həmin vaxt braziliyalı vinger irqçiliyə məruz qalmışdı.
Mayın 15-də "Netflix"də yayımlanmış filmdə stadionda oyunçuya "axmaq" deyə müraciət olunur. Lakin alt yazıda onun meymun kimi təcrümə olunduğu səhnə var.
Bu səbəbdən "Valensiya" filmin yaradıcılarına qarşı məhkəmə iddiası qaldırmağı düşünür.
