Sport24.az
"Oyuna yaxşı hazırlaşmışdıq. "Sabah"ın gücünü bilirdik. Oyun qarşılıqlı hücum şəraitində keçdi. Çox istəyirdik qələbə hesabını qoruyaq. Amma yekunda 1 xal qazandıq. Nəticəni ədalətli hesab edirəm"
Bu sözləri Sport24.az-a açıqlamasında "Turan Tovuz"un futbolçusu İsmayıl Züflüqarlı Misli Premyer Liqasının XIV turunda "Sabah"a qarşı keçirdikləri oyundan sonra deyib.
Gənc müdafiəçi komandasının bu mövsüm üçün hədəfləri və növbəti turda qarşılacaqları "Araz Naxçıvan"la oyun barəsində danışıb:
"Hədəfimiz çempionatı yuxarı pillələrdə bitirmək və "Turan Tovuz"u avrokuboklara daşımaqdır. Bizim üçün bütün oyunlar önəmlidir. Meydana qələbə qazanmaq üçün çıxırıq. "Araz Naxçıvan"la oyunda qalib gəlib turnir cədvəlindəki mövqeyimizi yaxşılaşdırmağa çalışacayıq".
