Sport24.az
"Zirə"nin futbolçusu İsmayıl İbrahimli Sport24.az-a müsahibə verib. O, komandası üçün ilk dövrəni dəyərləndirməklə yanaşı, bizi maraqlandıran başqa sualları da cavablandırıb.
- İlk dövrə necə yadda qaldı?
- Birinci dövrə maraqlı oldu. Hiss olunur ki, çempionat ötən illə müqayisədə daha gərgin mübarizə şəraitində keçəcək.
- Ötən illə müqayisədə "Zirə"də nə dəyişib?
- Hücum xəttinə yeni oyunçular cəlb olunub. Bu il əlimizə düşən epizodlardan daha yaxşı yararlana bilirik. Son nöqtəni qoymaqda çətinlik çəkmirik.
- Komandanın qarşısına qoyulan məqsəd?
- Əsas hədəfimiz avrokuboklara vəsiqə qazanmaqdı. Ən azı ötən ilki uğuru təkrarlamaq istəyirik.
- Necə düşünürsən, bu yolda əsas rəqibləriniz hansı komandalar olacaq?
- Birinci dövrədən sonra bunu demək çətindir. Ola bilər, ilk dövrədə hansısa komanda uğursuz olub. Ancaq mövsümün gedişində toparlanıb yaxşı oyun sərgiləyə, lazımi xalları yığa bilər. Bu səbəbdən indi nəsə söyləmək mümkün deyil.
- Milliyə çağırılmadın. Dəvət gözləyirdin?
- Əlbəttə, hər bir futbolçu kimi millidə çıxış etmək istəyərdim.
