Sport24.az
"Zirə" bu gün Slovakiyada "Dunayska Streda" ilə cavab qarşılaşmasına çıxacaq. Qəsəbə təmsilçisinin üzvü İsmayıl İbrahimli səfər ərəfəsində Sport24.az ın əməkdaşının suallarını cavablandırıb.
- Bakıdakı ilk oyunda böyük hesabla qalib gələcəyinizi gözləyirdin?
- Doğma meydanda keçiriyimiz ilk oyun yaxşı alındı. Taktiki cəhətdən rəqibi üstələdik. Bu cür davam etsək, uğurlarımızda çoxalacaq. Amma hələ mərhələ adamamışıq. Qarşıda bizi daha çətin və vacib matç gözləyir.
- Artıq avrokuboklarda 4-cü oyununuzu keçirəcəksiz. Gerdiə qalan 3 qarşılaşma ilə bağlı fikirlərini bilmək istərdik...
- "Şerif"lə oyunda yaxşı mübarizə aparıb səfərdən vacib qələbəylə döndük. Mərdəkandakı qarşıdurmada da meydanın ağası biz idik. Sadəcə, bir qırmızı vərəqə bütün planlarımızı pozdu. Düşünürəm ki, cəzalı duruma düşməsəydik moldovalıları da üstələyib Avropa Liqasında yolumuza davam edəcəkdik. Amma olan oldu. Keçmişlə yaşamamalı, səhvlərimizdən dərs çıxarıb irəli baxmalıyıq. Slovaklara qarşı ilk oyunda yaxşı çıxış etməyimizin səbəblərindən biri də "Şerif"lə matçda yol verdiyimiz səhvlərdən dərs almağımız oldu. Ona görə də çox istəkliyik. İnşallah sabah (bu gün) keçiriləcək oyunda da, yaxşı mübarizə aparıb mərhələ keçmək istəyirik.
- Ötən mövsümkü İsmayıl ilə hazırkı İsmayıl arasında nə fərq var?
- Ötən mövsüm zədə aldığıma görə, istədiyim performansı sərgiləyə bilmədim. Düşünürəm ki, bu mövsüm zədə almasam, daha yaxşı çıxış edəcəm. Məşqlərdə çox çalışıram.
- Səni daha çox "20 nömrə" ilə çıxış edən görmüşük. Amma bu mövsümdən "8 nömrə"yə keçmisən. Səbəbi nədi?
- 8 sevdiyim rəqəmdi. Ən xoşladığım oyunçu Andre İnyesta da "8 nömrə" olub. Bunda əlavə orta sahə oyunçusu üçün də bu nömrə uyğun gəlir. Odur ki, İlkin Muradov gedəndən sonra tez 8 nömrəni götürdüm (gülür).
ABDULLA İSMAYILOĞLU
