Sport24.az
"İmişli" ilə oyuna yaxşı başlamışdıq. Erkən qol vurmaq istəyirdik". Bu sözləri Sport24.az-a açıqlamasında "Zirə"nin futbolçusu İsmayıl İbrahimli deyib.
27 yaşlı yarımmüdafiəçi komandasının Misli Premyer Liqasının 6-cı turunda "İmişli" ilə oyunda bir xal qazanmasını şərh edib:
"İstədiyimiz qol epizodları yaratdıq, təəssüf ki, yararlana bilmədik. Hiss olunur ki, çempionat ötən illə müqayisədə daha gərgin mübarizə şəraitində keçəcək. Stadionun ot örtüyünün vəziyyətini ümümi götürsək, normal idi. Hədəfimiz hər il olduğu kimi, mövsümü ən yuxarı pillədə başa vurmaqdır. 6 oyuna 12 xalımız var. Mənim fikrimcə, daha çox xalımız ola bilərdi. Heç-heçə ilə bitən oyunlarda komandamız qələbəyə daha yaxın idi".
Qeyd edək ki, 6 turdan sonra aktivində 12 xal olan "Zirə" turnir cədvəlinin ikinci pilləsində qərarlaşıb.
