Sport24.az
"Bu gün Azərbaycan millisi meydanda çox yaxşı mübarizə apardı. Rəqib ilk dəqiqələrdən əsl meydan sahibi kimi bizə çətin anlar yaşatdı. Amma biz müdafiədə maksimum diqqətli olub erkən qola imkan vermədik. Qolkiperimizin kritik qurtarışları, o cümlədən fasilə ərəfəsində penaltini dəf etməsi psixoloji üstünlüyə yiyələnməyimizə səbəb oldu. Hesab edirəm ki, rəqib futbolçunun penaltini yerinə yetirə bilməməsində bəxtimiz də gətirdi. Hesabı onlar açsaydı, işimiz daha da çətin olacaqdı". Bu sözləri Sport24.az-a açıqlamasında İsveç yığmasının üzvü İsak Hien deyib.
Skandivan təmsilçisinin müdafiəçisi yığmanın heyətində Emin Mahmudovun oyunun bəyəndiyini vurğulamaqla yanaşı, cavab qarşılaşmasının da asan keçməyəcəyini bildirib: "Millinizin heyətində yaxşı oyunçular var. Onların hər biri bu gün bizə başağrısı oldu. Amma "8 nömrə"nizin oyununu daha çox bəyəndim. O, ağılı və hiyləgər ötürmələriylə diqqət çəkirdi. Bu gün Azərbaycan yığmasının nə qədər əzmkar və təhlükəli komanda olduğunu gördük. Odur ki, Stokholmda da bizə asan olmayacaq".
Qeyd edək ki, dünən keçirilən Azərbaycan – İsveç qarşılaşması qonaqların qələbəsi (1:3) ilə yekunlaşıb.
ABDULLA İSMAYILOĞLU
