Idman.biz
"Yuventus"un baş məşqçisi İqor Tudor Çempionlar Liqasının 3-cü turunda Madrid klubu ilə oyundan əvvəl "Real"ın fransalı hücumçusu Kilian Mbappe haqqında danışıb.
İdman.Biz xəbər verir ki, oyun oktyabrın 22-də İspaniyanın "Santyaqo Bernabeu" stadionunda keçiriləcək.
"Biz oyunçunun keyfiyyətlərini bilirik. O, çox hərəkət edir, lakin "Real Madrid"də başqa oyunçular da var, ona görə də biz yalnız ona diqqət yetirə bilmərik", - "Football Italia" Tudorun sözlərindən sitat gətirib.
Bu mövsüm fransalı futbolçu "Real Madrid"in heyətində bütün turnirlərdə 11 oyuna çıxıb, 15 qol vurub və 2 məhsuldar ötürmə edib.
Çempionlar Liqasının iki oyunundan sonra "Real Madrid"in 6 xalı var və turnir cədvəlində ikincidir. Hesabında iki xal olan "Yuventus" 23-cü pillədə qərarlaşıb.
