Sport24.az
"Yuventus"un baş məşqçisi İqor Tudor A seriyasında rəqibləri "İnter" və "Napoli"nin heyətlərini dəyərləndirib. Sport24.az xəbər verir ki, o, bununla bağlı mətbuat konfransında danışıb:
"A Seriyasının ən güclü komandalarından birinə - "İnter"ə qarşı oynadıq. Fikrimcə, onlar heyət baxımından "Napoli"dən daha güclüdür. Bəzi problemlərimiz olsa da, qalib gəldik. Mən də bu yolla qalib gəlməyi xoşlayıram".
Qeyd edək ki, yeni mövsümün 3 turundan sonra aktivində 9 xal olan "Napoli" turnir cədvəlinin zirvəsindədir. "Yuventus"un da 9 xalı var və ikinci yerdədir. "İnter" isə üç oyunda 3 xal qazanaraq 12-ci pillədə qərarlaşıb.
