Sport24.az
"Sabah"ın idman direktoru İqor Ponomaryovun Sport24.az-a müsahibəsi
- "Sabah" kubokun finalında "Qarabağ"ı məğlub etdi. Təəssüratlarınız necədir?
- Bir ay əvvəl məşqdə gördüm ki, komandada əhval-ruhiyyə çox yüksəkdir. Hiss olunurdu ki, komandanın əsas "nastroy"u kubokun finalınadır. Ondada görünürdü. Rəhbərliklə də danışırdıq. Final görüşü göstərdi ki, komandada hər kəs sona qədər vuruşdu, mübarizə apardı, oyuna da hazır idilər. Hamı qalib gəlmək istəyirdi.
- Kuboku qazanmaq, "Sabah" üçün avrokuboklara yollanmaq yolunda son şans idi. İkiqat təzyiq var idi?
- Çempionatdan avrokubokara düşə bilməyəndə, təzyiq yox idi. Amma ümumilikdə təbii ki, təzyiq var idi. Futboldur. Hamımız insanıq və qalib gəlmək haqda düşünürdük. Uşaqlar qalib gəlmək istəyirdi, sübut etmək istəyirdilər ki, prinsipcə onlar avrokuboklarda iştirak etməlidirlər. Çünki çempionatda 18 oyunda bərabərə qalmışdıq. Kubokun finalında isə qalib gəlmək istəyirdik. Biz çempionatda da istənilən klubla layiqli və yaxşı oynadıq. Daha çox xalı turnir cədvəlində bizdən aşağıda olan klublarla oyunlarda itirdik. Komanda istənilən halda sonda istədiyi nəticəyə çatdı, avrokuboklara getdi. Çempionat yolu ilə olmadı, amma kubokla oldu. Həm də, ölkə kubokunu qazandıq.
- "Sabah" Avropa Liqasında mübarizə aparacaq. Komandanın məqsədi əsas mərhələyə qədər irəliləməkdir? Bunun üçün yəqin ki, çoxlu transferlərə ehtiyac var?
- Razıyam, güclənmə lazımdır. 100 faiz güclənmə olacaq. İstəyimiz də avrokuboklarda irəliləməkdir. Harasa qədər gedə bilərsən, amma daha çox resurs lazımdır ki, daha yüksək səviyyədə oynayasan. Bugünkü gündə komandamız yaxşı mübarizə aparır. Yavaş-yavaş çempionatımız da yaxşılaşır, Premyer Liqada iştirakçı sayı da artırıldı. Görək "İmişli", "Karvan", "Qəbələ" nə ilə gələcək. Premyer Liqa hər şeyi göstərəcək.
- Vasili Berezutski qalacaq postunda?
- Düzü, bu sual şübhə altında deyil. Sadəcə jurnalistlər bu sualları Berezutskiyə hər dəfə verirlər. Müsahibələrdə, mətbuat konfranslarında. Berezutski düzgün işləyir, kuboku qazandı. Çox şey etdi. İstənilən halda, düşünürəm ki, kubok qazanmağımız onun "zasluqası"dır.
- Maraqlıdır ki, Berezutskinin gəlişindən sonra "Sabah" "Qarabağ"a uduzmayıb...
- Elədir. "Turan Tovuz"la da ilk iki oyununda oynadıq, kubokda onları keçdik. Hər şey yaxşıya doğru getdi. Hər şey ola bilər.
- Ölkə kubokunu götürdünüz. Yəqin ki, yeni mövsüm əsas hədəf Premyer Liqada çempion olmaqdır? "Qarabağ"ı keçərək çempion olmaq realdır?
- Bugünkü gündə "Qarabağ"ın hegemonluğu var. Təbii ki, bu hegemonluğa son qoymaq lazımdır. "Zirə" bu mövsüm yaxşı görünürdü, "Turan Tovuz" pis görünmürdü. Biz də elə oynamalıyıq ki, birinci yer uğrunda mübarizə aparaq. Çünki hədəf birinci pillədir. Əvvəldən də belə olmalıdır ki, hansısa görüşdə, sənin səviyyəndə olmayan rəqiblərlə görüşdə xal itirməyəsən. O xallar sonda çox vacib olur. Hansı ki, bu sezonda belə xallar itirdik. Yəqin elə klub yoxdur ki, çempion olmaq istəməsin. "Qarabağ" yaxşı komandadır. Amma elə etmək lazımdır ki, "Qarabağ" kimi komandalarımız çox olsun
