Sport24.az
AFFA-nın İntizam Komitəsinin iclası keçirilib. Sport24.az xəbər verir ki, yığıncaqda Misli Premyer Liqasının XXVIII turunda baş verənlər müzakirə olunub.
"Araz-Naxçıvan" klubunu 800 manat cərimələyib. Buna Misli Premyer Liqasının XXVIII turunda "Neftçi" ilə oyunun gec başlaması səbəb olub.
Qarşılaşmanın startının Naxçıvan təmsilçisinin futbolçusunun formasında qüsur olmasına görə gecikdiyi vurğulanıb. Altı oyunçusu sarı vərəqə aldığından "Neftçi"yə 700 manat cərimə tətbiq edilib.
"Qarabağ"la oyunda dörd futbolçusu sarı vərəqə alan "Turan Tovuz" da eyni məbləği ödəyəcək. Azarkeşlərin pirotexniki vasitədən istifadəsinə görə Ağdam klubu 1500 manat ziyana düşüb.
"Kəpəz" - "Səbail" görüşündə isə fanatlar altı oturacağı sındırıblar. Dəymiş ziyan "Kəpəz" tərəfindən ödəniləcək.
