Sport24.az
AFFA İntizam Komitəsi "Neftçi"nin futbolçusu Bassalu Sambunu cəzalandırıb. Sport24.az xəbər verir ki, qurumun bugünkü iclasında belə qərar qəbul edilib.
27 yaşlı hücumçu Azərbaycan kubokunun 1/4 finalında "Kəpəz"lə cavab oyununun 58-ci dəqiqəsində qayda pozuntusuna görə birbaşa qırmızı vərəqə alıb. Buna görə də o, 2 oyunluq cəzalandırılıb.
"Neftçi" isə 1500 manat cərimə edilib.
Qeyd edək ki, sözügedən oyunda "Neftçi" 1:0 hesablı qələbə qazanıb. İlk görüşdə də qalib gələn (2:0) paytaxt təmsilçisi yarımfinala adlayıb.
