Sport24.az
AFFA-nın İntizam Komitəsinin iclası keçirilib. Sport24.az xəbər verir ki, toplantıda Premyer Liqanın IV turunda baş verənlərlə bağlı qərarlar verilib.
Premyer Liqanın IV turunun "Səbail" – "Kəpəz" oyunu bitdikdən sonra "Kəpəz"in analitiki İlkin Verdiyev KİV nümayəndəsinin çəkiliş aparmasına mane olduğuna, ona fiziki təzyiq göstərməyə cəhd etdiyinə görə 2 oyun şərti olmaqla 5 oyun cəzalanır, "Kəpəz" klubu 4000 manat cərimə edilir. Sınaq müddəti 3 ay təyin edilir (maddə 43.9, 32);
Premyer Liqanın IV turunun "Araz-Naxçıvan" – "Neftçi" oyununda "Araz-Naxçıvan"ın 4 futbolçusu sarı vərəqə aldığına görə Naxçıvan klubu 700 manat cərimə edilir (maddə 37);
Premyer Liqanın IV turunun "Araz-Naxçıvan" – "Neftçi" oyununun 90+5-ci dəqiqəsində "Araz-Naxçıvan"ın baş məşqçisi Elmar Baxşıyev rəqibi təhqir etdiyinə görə birbaşa qırmızı vərəqə aldığı üçün 3 oyun şərti olmaqla 5 oyun cəzalanır, "Araz-Naxçıvan" komandası 4000 manat cərimə edilir. Sınaq müddəti 3 ay təyin edilir (maddə 43.4, 32);
Premyer Liqanın IV turunun "Araz-Naxçıvan" – "Neftçi" oyununun 90+5-ci dəqiqəsində "Araz-Naxçıvan"ın inzibatçısı Hüseynxəlil Orucoğlu rəqibi təhqir etdiyinə görə birbaşa qırmızı vərəqə aldıqdan sonra rəqib futbolçuya fiziki təzyiq göstərməyə cəhd etdiyinə görə 2 oyun şərti olmaqla 5 oyun cəzalanır, "Araz-Naxçıvan" komandası 4000 manat cərimə edilir (maddə 43.4, 32);
Premyer Liqanın IV turunun "Araz-Naxçıvan" – "Neftçi" oyununda "Neftçi"nin 6 futbolçusu sarı vərəqə aldığına görə "Neftçi" 700 manat cərimə edilir (maddə 37);
Premyer Liqanın IV turunun "Araz-Naxçıvan" – "Neftçi" oyununda "Neftçi"nin azarkeşləri tərəfindən rəqib futbolçuların ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə ilk dəfə yaşandığına görə "Neftçi"yə xəbərdarlıq edilir (maddə 43.7);
Premyer Liqanın IV turunun "Sabah" – "Sumqayıt" oyunu bitdikdən sonra meydana kənar şəxs daxil olduğuna görə "Sabah" 800 manat cərimə edilir (maddə 51.2);
Premyer Liqanın IV turunun "Sabah" – "Sumqayıt" oyununda "Sumqayıt"ın baş məşqçisi Samir Abasov intizam qaydalarını pozduğuna görə Samir Abasova xəbərdarlıq edilir (maddə 11);
Premyer Liqanın IV turunun "Sabah" – "Sumqayıt" oyununda "Sumqayıt"ın azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə ilk dəfə yaşandığına görə "Sumqayıt" klubuna xəbərdarlıq edilir (maddə 43.7);
Premyer Liqanın IV turunun "Zirə" – "Şamaxı" oyunu bitdikdən sonra "Zirə" komandası AFFA nümayəndəsinin tələblərinə əməl etmədiyinə görə "Zirə" klubu 2000 manat cərimə edilir (maddə 73.3);
