Sport24.az
"Əl-Nasr"ın hücumçusu Kriştiano Ronaldo mövsümün sonunda Səudiyyə Ərəbistanı klubunu tərk edə bilər. Sport24.az xəbər verir ki, bir müddət əvvəl mətbuatda portuqaliyalının "Real" və ya Milan "İnter"inə keçə biləcəyi ilə bağlı məlumatlar ortaya çıxıb.
Ancaq "İnter"in idman direktoru Cüzeppe Marotta "Tuttosport"a açıqlamasında "neradzurrilər"in futbolçu ilə maraqlanmadığını bildirib. O, Ronaldonu transfer etməyin maliyyə baxımından çətin olduğunu vurğulayıb.
Qeyd edək ki, portuqaliyalı ulduz cari mövsümdə bütün turnirlərdə 33 matçda iştirak edib, 28 qol vurub və 4 məhsuldar ötürmə edib. Futbolçunun klubla hazırkı müqaviləsi 2025-ci ilin yayına kimi nəzərdə tutulub.
