Idman.biz
"İnter"in idman direktoru Pyero Auzilio braziliyalı hücumçu Neymarın onun klubuna keçə biləcəyi ilə bağlı yayılan xəbərləri təkzib edib.
İdman.Biz xəbər verir ki, Auzilio eləcə də özünün "Əl-Hilal"a keçəcəyi ilə bağlı yayılan xəbərləri qətiyyətlə rədd edib.
"Neymar "İnter"ə keçəcək? Bəsdirin, bu cəfəngiyyatdır. Biz onunla danışmamışıq, heç kim ona heç nə təklif etməyib. Mən isə öz vəziyyətimdən razıyam, 2027-ci ilə qədər müqaviləm var. Əvvəllər mənə daha yaxşı variantlar təklif olunub, amma hələ də getməmişəm. Hər şeydən imtina etmək mümkündür", - "Corriere dello Sport" Auziliodan sitat gətirib.
Hələlik Auzilio bütün diqqətini "İnter"in işlərinə, müqavilələri yeniləməyə, sonra isə yanvar transfer pəncərəsinə hazırlaşmağa yönəldib.
Neymar hazırda "Santos"un hücumçusudur. Son günlər onun A Seriyasına keçməyə hazırlaşdığı barədə xəbərlər yayılıb. Həmçinin jurnalist Fabrisio Romano bildirib ki, "İnter" və "Napoli" Neymarla maraqlanır.
33 yaşlı futbolçu Braziliya klubu ilə müqaviləsi dekabrın 31-də başa çatdıqdan sonra bu qış Avropaya qayıtmağı düşünür. Neymar Braziliya millisinin baş məşqçisi Karlo Ançelottini heyrətləndirməyə və DÇ-2026-dan əvvəl milli komandaya qayıtmağa da ümid edir.
Qeyd olunur ki, futbolçuya artıq ötən yay "Milan"a keçid təklif olunub.
