Idman.biz
İtaliya A Seriyasının 22-ci turunun ilk oyunu olan "İnter" və "Piza" arasında matç başa çatıb.
İdman.Biz bildirir ki, oyun Milandakı "San Siro" ("Giuzeppe Meazza") stadionunda baş tutub. Matç 6:2 hesabı ilə ev sahibi komandanın xeyrinə bitib.
"Piza"nın yarımmüdafiəçisi Stefano Moreo 11-ci dəqiqədə hesabı açıb. Moreo 23-cü dəqiqədə ikinci qolunu vurub. "İnter"in yarımmüdafiəçisi Pyotr Zelinski 39-cu dəqiqədə uğurlu penalti zərbəsi ilə hesab arasındakı fərqi azaldıb. İki dəqiqə sonra hücumçu Lautaro Martines hesabı bərabərləşdirib. Bir neçə dəqiqə sonra meydan sahiblərindən Françesko Espozito üçüncü qolu vurub. 82-ci dəqiqədə "İnter"in müdafiəçisi Federiko Dimarko hesabı 4:2 edib. Dörd dəqiqə sonra milanlıların hücumçusu Ange-Yoan Bonni komandasının beşinci qolunu vurub. 90+3-də "İnter"in yarımmüdafiəçisi Henrix Mxitaryan daha bir qol vuraraq yekun hesabı müəyyən edib.
"İnter" hazırda 22 oyundan 52 xal toplayıb və turnir cədvəlində birinci yerdədir. 14 xalla "Piza" sonuncu, 20-ci yerdədir.
