Sport24.az
"İnter Mayami" yarımmüdafiəçi Rodriqo de Paulun transferi ilə bağlı "Atletiko" ilə razılığa gəlib. Sport24.az xəbər verir ki, bu barədə insayder Fabrisio Romano X sosial şəbəkəsində paylaşım edib.
Mənbənin məlumatına görə, MLS klubu 31 yaşlı argentinalı üçün təxminən 15 milyon avro ödəyəcək. Futbolçu ilə 4 illik müqavilə imzalanacaq. Müqavilə yaxın günlərdə rəsmiləşəcək.
Qeyd edək ki, De Paul 2024/25 mövsümündə bütün turnirlərdə 53 matçda iştirak edib, 3 qol vurub və 10 məhsuldar ötürmə edib.
