Idman.biz
"İnter Mayami" klubu Serxio Busketsin karyerasını başa vurmasından sonra yarımmüdafiədə yaranan boşluğu doldurmaq üçün ilk addımı.
İdman.Biz xəbər verir ki, MLS kubokunu qazandıqları tarixi 2025 mövsümündən sonra klub rəhbərliyi komandanın rəqabət qabiliyyətini qorumaq üçün tez hərəkət edib və argentinalı futbolçunu - "Portlend Timbers"dən 23 yaşlı yarımmüdafiəçi David Ayalanı transfer edib.
Müqavilə 2026-cı ilin sonuna qədər qüvvədə olacaq.
Ayala top ötürmə, meydanı görmə qabiliyyəti və texniki nəzarəti ilə seçilir. Məhz bu xüsusiyyətlər Serxio Busketsin əsas üstünlükləri hesab olunurdu. Statistik göstəricilər də bu oxşarlığı təsdiqləyir: Buskets oyun başına orta hesabla 59,2 dəqiq ötürmə edirdisə, Ayala "Portlend Timbers"də bu göstəricini 47,2 ötürmə ilə tamamlayıb və ötürmələrinin 88 faizi dəqiq olub.
Bununla yanaşı, "İnter Mayami" heyətini digər mövqelərdə də gücləndirib. Sağ cinah üçün Fakundo Mura, müdafiəyə Serxio Reqilon və braziliyalı Mikael transfer olunub. Qapıçı mövqeyinə isə 2025-ci ilin MLS-in ən yaxşı qapıçısı seçilən kanadalı Deyn Sent-Kler gətirilib. Klub 2026 mövsümündə MLS-də üstünlüyünü davam etdirməyi hədəfləyir.
Qeyd edək ki, "İnter Mayami"də argentinalı futbolçuların sayı kifayət qədər çoxdur. Lionel Messi, Rodriqo de Paul, Qonsalo Luxan, Tomas Aviles, Oskar Ustari, Mateo Silvetti və Fakundo Mura komandanın argentinalı qrupunu təşkil edir. Bundan əlavə, baş məşqçi Xavyer Maskerano və məşqçilər heyətinin bir neçə üzvü də Argentinadandır.
