Sport24.az
İtaliya millisinin keçmiş üzvü Antonio Kassano "İnter"in cari mövsümünü nəticələr baxımından bərbad hesab edir. Sport24.az xəbər verir ki, "İnter" Simone İnzaqinin rəhbərliyi altında A Seriyasının 34-cü turunda "Roma"ya 0:1 hesabı ilə uduzub. Milan klubu hazırda turnir cədvəlində 71 xalla 2-ci yerdədir və lider "Napoli"dən 3 xal geridə qalır.
Çempionlar Liqasının yarımfinalında "İnter" sabah "Barselona" ilə səfər oyununa çıxacaq.
Kassano isə İnzaqiyə və komandanın ümumi çıxışına tənqidi yanaşıb:
"Hətta o, doğrudan da Çempionlar Liqasını qazansa belə, bu yenə də bərbad mövsümdür. Kuboku Di Matteo da qazanmışdı, və nə oldu? Bundan sonra bir daha məşqçilik etmədi...
Mənim üçün onun qələbəsi heç nəyi dəyişməyəcək. Ən çox məni nəticələr deyil, verilən bəyanatlar qıcıqlandırır. Bəzi fikirləri eşidəndə dəli oluram. Dərhal Mazzarri yadıma düşür – autun bir az uzaqdan atılmasına görə şikayətlənirdi...
Son turda Bissekə qarşı açıq-aşkar penalti var idi, amma "Roma" 5:0 hesabı ilə qalib gəlməliydi. Mən anlaya bilmirəm ki, obyektiv şəkildə hamıdan güclü olan komanda necə autlardan yapışa bilər? Bütün bunlar sadəcə bəhanədir". – deyə Kassano "Viva el Futbol" proqramında bildirib.
