Idman.biz
"İnter" "Aston Villa"nın qapıçısı Emiliano Martineslə maraqlanır.
İdman.Biz-in məlumatına görə, bu barədə "Sky Sports"un jurnalisti Luka Bendoni sosial mediada bildirib.
Mənbənin məlumatına görə, İtaliya klubu potensial yay transferinin şərtlərini müzakirə etmək üçün oyunçunun nümayəndələri ilə ilkin danışıqlara başlayıb. Klub Yann Sommerin yerinə təcrübəli oyunçu axtaracağı təqdirdə argentinalı oyunçu "İnter"in qısa siyahısındadır.
Bu mövsüm 33 yaşlı Martines bütün yarışlarda 21 oyun keçirib, 20 qol buraxıb və altı dəfə qapısını toxunulmaz saxlayıb. Onun İngiltərə klubu ilə müqaviləsi 2029-cu ilin iyun ayına qədərdir. Transfermarkt portalındakı məlumata görə, onun bazar dəyəri 15 milyon avrodur.
