Sport24.az
Ukraynanın "İnqulets" futbol klubunun prezidenti Aleksandr Povoroznyuk Ukrayna millisinin əfsanəvi hücumçusu, hazırda Ukrayna Futbol Assosiasiyasının prezidenti postunu tutan Andrey Şevçenkonu tənqid edib. O, bununla bağlı Ukrayna KİV-nə danışıb:
"Şevçenko ayda üç milyon yarım alır. Özü də müharibə zamanı! Bu sizə bəs etmir? Utanmırsız?
Ukraynanın qadınlardan ibarət yığması rəsmi oyuna yollana bilmədi. Çünki federasiya vaxtında onlara viza almadı. Təsəvvür edə bilirsiz? Bu, hansısa federasiya prezidentinin dövründə baş verə bilərdi?
Artıq Çempionlar Liqasında Ukrayna klublarından heç biri oynamır. Rusiya beynəlxalq aləmdən təcrid olunmasına baxmayaraq, az qala reytinqdə bizdən irəlidədir".
Qeyd edək ki, hazırda UEFA reytinqində Ukrayna 28-ci (20,350 xal), Rusiya isə 30-cu (18,299) pillədə qərarlaşıb.
