Idman.biz
Tomas Tuhel DÇ-2026-nın seçmə mərhələsində Serbiyaya qarşı oyundan əvvəl tənqid atəşinə tutulub.
İdman.biz xəbər verir ki, "Uotford"un sabiq hücumçusu Troy Dini İngiltərə yığmasının baş məşqçisinin "Əl Əhli"nin futbolçusu İvan Tonini komandaya daxil ettməmək qərarı ilə bağlı sərt danışıb.
Hazırda baş məşqçinin sərəncamında yalnız iki klassik hücumçu var - Harri Keyn və Olli Uotkins. Marcus Raşford və Carrod Bouen yalançı forvard rolunda oynaya bilərlər, lakin Diniyə bu kifayət etmir.
"Onun Tonidən heç bəhs etməməsi qeyri-ciddi və axmaq addımdır. Bu o deməkdir ki, İngiltərə turnirə iki, yaxud Liam Delapı saysanız, maksimum üç hücumçu ilə gedir. Əgər uğursuzluğa düçar olsalar, bəhanə artıq var: deyəcəklər ki, kifayət qədər hücumçu yox idi", - keçmiş futbolçu bildirib.
İngiltərə həftə sonu Andorra üzərində çətinliklə (2-0) qələbə qazanıb və onların hücum xətti inandırıcı görünmürdü. Dini hesab edir ki, Keyn və Uotkinsin komandanın uğur şanslarını artırmaq üçün fərqli tipli hücumçunun dəstəyinə ehtiyacı var.
Bu arada, İvan Toni yüksək məhsuldarlıq nümayiş etdirməkdə davam edir: ötən mövsüm 30 qol və bu mövsüm dörd oyunda beş qol. Bununla belə, onun dünya çempionatının ərizəsində iştirakı şübhə altındadır. Tuhelin komandası sentyabrın 9-da Serbiya ilə vacib oyuna çıxacaq.
İdman.biz
