Report.az
İngiltərə və İspaniya UEFA Çempionlar Liqasının son 5 mövsümündə ilk dəfə finalda təmsil olunmayacaq.
"Report" xarici KİV-ə istinadən xəbər verir ki, bu, turnirin yarımfinal mərhələsində ötən gün PSJ və "Arsenal" (İngiltərə) komandaları arasında baş tutan cavab matçından sonra reallaşıb.
Yarımfinalda iki oyunun nəticəsinə görə İngiltərə klubunu məğlub edən (1:0, 2:1) Paris təmsilçisi finalda "İnter"lə (İtaliya) üz üzə gələcək. Əvvəlki dörd mövsümdə İngiltərə və ya İspaniyadan ən azı bir klub finalda iştirak edib.
Qeyd edək ki, UEFA Çempionlar Liqasının final matçı mayın 31-də Münhendə baş tutacaq.
