Idman.biz
İngiltərə Premyer Liqasının V turu çərçivəsində növbəti oyunlar keçirilib.
İdman.biz xəbər verirki, günün ilk matçı - "Liverpul"la "Everton"un arasında olub.
Oyun ev sahiblərinin 2:1 hesablı qələbəsi ilə yekunlaşıb. "Enfild" stadionunda baş tutan görüşün 10-cu dəqiqəsində hesabı Rayn Qravenberx açıb. 29-cu dəqiqədə 2-ci qolun müəllifi Yuqo Ekitike olub. Qonaqların yeganə qolunu isə 58-ci dəqiqədə İdris Quye vurub.
"Liverpul" dörd turdan sonra maksimum nəticə (15 xal) ilə 1-ci pillədədir. "Everton" isə 7 xalla 7-ci yerdə qərarlaşıb.
Üçüncü pillədə qərarlaşan "Tottenhem" "Brayton"un qonağı olub. Görüşdə hesabı Minte açıb - 1:0. 31-ci dəqiqədə Ayyari hesab arasındakı fərqi 2 topa çıxarıb - 2:0.
43-cü dəqiqədə Rişarlison buraxılan toplardan birinin əvəzini çıxıb. Birinci hissə bu hesabla bitib.
İkinci hissənin 82-ci dəqiqəsində van Hekke hesabı bərabərləşdirib - 2:2. Oyun bu hesabla bitib. Nəticədə "Tottenhem"in "Liverpul"la xal fərqi 5-ə çatıb.
Turun digər qarşılaşmasında "Vest Hem" "Kristal Pelas"ı qəbul edib. Oyun qonaqların 2:1 hesablı qələbəsi ilə qurtarıb. "Vest Hem" bu nəticə ilə autsayderlər qrupunda "möhkəmlənib".
Sonuncu terdə olan "Vulverhempton" autsayderlər qrupunun daha bir üzvünü "Lids"i qəbul edib. Meydan sahibləri bu oyunda da xal qazana bilməyiblər - 1:3. "Vulverhempton" çempionatda xalı olmayan yeganə klubdur.
Autsayderlər qrupunun daha iki üzvü olan "Bernli"ylə "Nottingem Forest" Bernlidə qarşılaşıblar. Qarşılaşma heç-heçəylə bitib - 1:1.
"Mançester Yunayted" gərgin keçən görüşdə "Çelsi"ni məğlub edə bilib - 2:1. Oyunun əvvəlində "Çelsi"nin qapıçısı , birinci hissənin sonunda isə "Mançester Yunayted"in oyunçusu meydandan çıxarılıb.
Və nəhayət "Fulhem" "Brentford"dan üstün olub - 3:1. Bu qələbədən sonra "Fulhem" 8 xalla 7-ci yerə yüksəlib.
İngiltərə Premyer Liqası
V tur
20 sentyabr
16:30. "Liverpul" – "Everton" - 2:1
18:00. "Brayton" - "Tottenhem" - 2:2
18:00. "Bernli" – "Nottingem Forest" - 1:1
18:00. "Vest Hem" – "Kristal Pelas" - 1:2
18:00. "Vulverhempton" – "Lids" - 1:3
20:30. "Mançester Yunayted" – "Çelsi" - 2:1
23:00. "Fulhem" – "Brentford" - 3:1
İdman.biz
