Idman.biz
İngiltərə Premyer Liqasının 23-cü turunda keçirilən "Arsenal" - "Mançester Yunayted" matçı dramatik sonluqla yadda qalıb. Londonun "Emirates" stadionunda baş tutan qarşılaşmada qonaqlar 3:2 hesabı ilə qalib gəlib.
İdman.Biz xəbər verir ki, oyunda hesab 29-cu dəqiqədə Lisandro Martinesin avtoqolu ilə açılıb və "Arsenal" irəli çıxıb. 37-ci dəqiqədə Brayan Mbemo tarazlığı bərpa edib. İkinci hissənin əvvəlində, 50-ci dəqiqədə Patrik Dorqu "Mançester Yunayted"i önə keçirib. 84-cü dəqiqədə Mikel Merino hesabı yenidən bərabərləşdirsə də, 87-ci dəqiqədə Mateus Kunya qonaqlara qələbə qazandıran qolu vurub.
Bu nəticədən sonra "Arsenal" 50 xalla Premyer Liqanın turnir cədvəlinə liderlik edir. "Mançester Yunayted" isə 38 xalla dördüncü pillədə qərarlaşıb.
Növbəti turda "Arsenal" 31 yanvarda "Lids Yunayted"lə, "Mançester Yunayted" isə 1 fevralda "Fulhem"lə qarşılaşacaq.
21:00
İngiltərə Premyer Liqasının 23-cü turunda "Aston Villa" səfərdə "Nyukasl"la qarşılaşıb.
İdman.Biz xəbər verir ki, görüş "Aston Villa"nın 2:0 hesablı qələbəsi ilə başa çatıb. Qonaqların heyətində hesabı 19-cu dəqiqədə yarımmüdafiəçi Emiliano Buendia açıb. 88-ci dəqiqədə isə hücumçu Olli Uotkins fərqlənərək matçda son nöqtəni qoyub.
Bu nəticədən sonra "Aston Villa" 46 xala yüksələrək Premyer Liqa turnir cədvəlinin üçüncü pilləsində qərarlaşıb. "Nyukasl" isə 33 xalla doqquzuncu yerdədir.
Turun digər qarşılaşmasında "Nottingem Forest" səfərdə "Brentford"u 2:0 hesabı ilə məğlub edib. Matçda qolları 12-ci dəqiqədə "Nottingem Forest"in hücumçusu İqor Jezus, 80-ci dəqiqədə isə Avoniyi vurub.
20:31
İngiltərə Premyer Liqasının 23-cü turu çərçivəsində "Kristal Palas" və "Çelsi" komandaları üz-üzə gəlib.
İdman.Biz xəbər verir ki, səfərdə keçirilən qarşılaşmada "Çelsi" 3:1 hesablı qələbə qazanıb.
Hesabı 34-cü dəqiqədə Estevao açıb. İkinci hissənin əvvəlində, 50-ci dəqiqədə Joao Pedro fərqi iki topa çatdırıb. 64-cü dəqiqədə isə Enso Fernandes penaltini dəqiq yerinə yetirərək üstünlüyü daha da artırıb.
Ev sahibləri üçün vəziyyət 73-cü dəqiqədə daha da çətinləşib. Adam Uorton ikinci sarı vərəqə aldıqdan sonra meydandan kənarlaşdırılıb. "Kristal Palas"ın yeganə qolu isə 88-ci dəqiqədə Kris Riçards tərəfindən vurulub.
Bu nəticədən sonra "Kristal Palas" 28 xalla turnir cədvəlinin 15-ci pilləsində qərarlaşıb. "Çelsi" isə 37 xalla Premyer Liqada beşinci yerdədir.
