Idman.biz
İngiltərə Premyer Liqasının 20-ci turunda "Bornmut" və "Arsenal" arasında keçirilən oyun başa çatıb. Londonlular 3:2 hesabı ilə qalib gəliblər. Oyun Bornmutdakı "Vitality" stadionunda baş tutub.
Evanilson 10-cu dəqiqədə hesabı açaraq "Bornmut"a üstünlük qazandırıb. Qabriel Maqalyanes 16-cı dəqiqədə cavab qolunu vurub. Deklan Rays 54-cü dəqiqədə qonaqları irəli çıxarıb və 71-ci dəqiqədə ikinci qolunu vurub. Eli Krupi 76-cı dəqiqədə fərqi azaldıb.
Bu oyundan sonra "Bornmut" 23 xalla Premyer Liqanın turnir cədvəlində 15-ci yerdədir, "Arsenal" isə cari mövsümdə 48 xalla liderlik edir.
21:03
İngiltərə Premyer Liqasında "Vulverhempton" və "Vest Hem" arasında keçirilən oyun başa çatıb. Komandalar Vulverhemptondakı "Molino" stadionunda oynayıblar. "Vulverhempton" 3:0 hesabı ilə qalib gəlib.
Meydan sahiblərindən qolları Con Arias, Hvanq Hi-çan (penalti) və Mateus Mane vurublar. Bu, "Vulverhempton"un İngiltərə Premyer Liqası mövsümündə ilk qələbəsidir.
"Vulverhempton" 20 oyundan altı xalla Premyer Liqada 20-ci yerdədir. "Vest Hem" isə 14 xalla 18-ci yerdədir.
Turun digər oyununda "Brayton" "Bernli"yə qalib gəlib – 2:0.
"Brayton"un hücumçusu Jorjinyo Rütter 29-cu dəqiqədə hesabı açıb. Yarımmüdafiəçi Yasin Ayari ikinci hissənin 47-ci dəqiqəsində meydan sahiblərinin üstünlüyünü artırıb.
18:39
İngiltərə Premyer Liqasında "Aston Villa" və "Nottingem Forest" arasında keçirilən oyun başa çatıb.
İdman.Biz bildirir ki, matç "Villa Park"da (Birminhem) baş tutub.
Meydan sahibləri 3:1 hesabı ilə qalib gəliblər.
"Aston Villa"nın hücumçusu Olli Uotkins hesabı 45+1-ci dəqiqədə açıb. İkinci hissədə yarımmüdafiəçi Con Makginn 49-cu dəqiqədə "Aston Villa"nın üstünlüyünü artırıb. Yarımmüdafiəçi Morqan Gibbs-Uayt 61-ci dəqiqədə qonaq komandanın cavab qolunu vurub. Makginn 73-cü dəqiqədə ikinci qoluna imaq atıb – 3:1.
