İngiltərə Premyer Liqası: 20-ci tur - "Brentford"un "Everton" üzərində qələbəsi, digər oyunların nəticələri

"Brentford" İngiltərə Premyer Liqasının 20-ci turunda səfərdə "Everton" qarşısında 4:2 hesabı ilə qələbə qazanıb.

İdman.Biz xəbər verir ki, görüşdə qonaqların braziliyalı hücumçusu İqor Tiaqo het-trik edərək komandasının bütün əsas qollarını vurub. 50-ci dəqiqədə isə Neytan Kollins fərqlənib.

"Everton"un qollarını isə 66-cı dəqiqədə Betu və 90+1-ci dəqiqədə Terno Barri vurub.

Qələbə sayəsində "Brentford" Premyer Liqa cədvəlində 30 xalla yeddinci pilləyə yüksəlib, "Everton" isə 28 xalla 12-ci yerə düşüb.

21:40

İngiltərə Premyer Liqasının 20-ci turunda "Fulhem" və "Liverpul" arasında keçirilən oyun başa çatıb.

İdman.Biz xəbər verir ki, qarşılaşma 2:2 hesablı heç-heçə ilə yekunlaşıb.

Oyunda hesabı 17-ci dəqiqədə meydan sahiblərinin hücumçusu Harri Uilson açıb. İkinci hissədə, 57-ci dəqiqədə mersisaydlıların yarımmüdafiəçisi Florian Virts hesabı bərabərləşdirib. Görüşün sonunda, 90+4-cü dəqiqədə qonaqların yarımmüdafiəçisi Kodi Qakpo komandasını hesabda önə çıxarıb. "Fulhem"in yarımmüdafiəçisi Harrison Rid 90+7-ci dəqiqədə hesabı bərabərləşdirib.

İngiltərə çempionatında 20 oyun keçirən "Fulhem" 28 xal toplayıb və turnir cədvəlində 11-ci yeri tutur. "Liverpul" isə 34 xalla dördüncü pillədə qərarlaşıb.

21:17

İngiltərə Premyer Liqasının 20-ci turunda "Nyukasl Yunayted" və "Kristal Palas" arasında keçirilən oyun ev sahibinin 2:0 hesablı qələbəsi ilə başa çatıb.

İdman.Biz xəbər verir ki, hesabı 71-ci dəqiqədə meydan sahiblərinin yarımmüdafiəçisi Bruno Gimaraes açıb. Səkkiz dəqiqə sonra müdafiəçi Malik Şau "Nyukasl"ın üstünlüyünü iki topa çatdırıb.

"Nyukasl Yunayted" 2025/2026 mövsümündə İngiltərə çempionatının turnir cədvəlində səkkizinci yerdədir. Komanda 20 oyunda 29 xal toplayıb. "Kristal Palas" isə 27 xalla 14-cü pillədə qərarlaşıb. Birinci yerdə "Arsenal" (48 xal) qərarlaşıb.

21:10

İngiltərə Premyer Liqasının 20-ci turunda "Tottenhem" və "Sanderlend" arasında keçirilən oyun heç-heçə başa çatıb.

İdman.Biz xəbər verir ki, oyunda ilk qolu 30-cu dəqiqədə "Tottenhem"in müdafiəçisi Ben Devis vurub. İkinci hissədə, 80-ci dəqiqədə qonaqların hücumçusu Brayan Brobbi hesabı bərabərləşdirib.

İngiltərə çempionatında 20 oyun keçirən "Tottenhem" 27 xal toplayıb və turnir cədvəlində 10-cu yeri tutur. "Sanderlend" isə 30 xalla yeddinci pillədə qərarlaşıb.

18:39

İngiltərə Premyer Liqasının 20-ci turunda "Lids Yunayted" və "Mançester Yunayted" arasında keçirilən oyun başa çatıb. Qarşılaşma 1:1 hesablı heç-heçə ilə yekunlaşıb.

İdman.Biz xəbər verir ki, oyunda hesabı meydan sahiblərinin yarımmüdafiəçisi Brenden Aaronson açıb. Amerikalı futbolçu ikinci hissədə, 62-ci dəqiqədə fərqlənib. Üç dəqiqə sonra "Mançester Yunayted"in hücumçusu Mateus Kunha hesabı bərabərləşdirib.

İngiltərə çempionatında 20 oyun keçirən "Lids" 22 xal toplayıb və turnir cədvəlində 16-cı yeri tutur. "Mançester Yunayted" isə beşinci pillədə qərarlaşıb, komandanın aktivində 31 xal var.