Idman.biz
İngiltərənin və "Everton"un keçmiş müdafiəçisi Tommi Rayt 80 yaşında vəfat edib.
İdman.Biz bildirir ki, Rayt İngiltərə milli komandasında debütünü 1968-ci il Avropa Çempionatında edib və orada bürünc medal qazanıb. O, həmçinin 1970-ci il dünya çempionatında da oynayıb.
Ümumilikdə, Tommi Rayt İngiltərə milli komandasında 11 dəfə oynayıb. "Everton" akademiyasının yetirməsi bütün oyun karyerasını klubda keçirib, 368 oyunda iştirak edib, dörd qol vurub və bir məhsuldar ötürmə edib.
"İngiltərə millisində 11 dəfə oynayan Tommi Raytın vəfatını eşitməkdən kədərləndik. Tommi beynəlxalq debütünü 1968-ci il Avropa Çempionatında edib və həmçinin 1970-ci il FİFA dünya çempionatında iki dəfə İngiltərəni təmsil edib. Düşüncələrimiz onun yaxınları ilədir...", - İngiltərə komandasının sosial media hesabından verilən açıqlamada bildirilir.
