Idman.biz
"Çarlton" və "Çelsi" arasında İngiltərə Kubokunun üçüncü tur matçı yekunlaşıb.
İdman.Biz bildirir ki, komandalar Londondakı "Valley" stadionunda oynadılar.
"Çelsi" 5:1 hesablı qələbə qazanıb.
45-ci dəqiqədə müdafiəçi Yorrel Hato hesabı açıb. 50-ci dəqiqədə müdafiəçi Tosin Adarabioyo "göylər"in üstünlüyünü artırıb. 57-ci dəqiqədə "Çarlton"un yarımmüdafiəçisi Maylz Libern fərqi azaldıb. 62-ci dəqiqədə hücumçu Mark Qiu "Çelsi"nin üçüncü qolunu vurub. 90-cı dəqiqədə cinah oyunçusu Pedro Neto hesabı daha da artırıb. 90+4-cü dəqiqədə yarımmüdafiəçi Enzo Fernandes penaltidən yekun hesabı müəyyənləşdirib.
23:48
İngiltərə Kubokunda "Tottenhem" və "Aston Villa" arasında keçirilən üçüncü tur matçı başa çatıb.
İdman.Biz bildirir ki, komandalar Londondakı "Tottenhem Hotspur" stadionunda oynayıblar. Qonaq komanda 2:1 hesablı qələbə qazanıb.
"Aston Villa"nın hücumçusu Emiliano Buendiya matçın ilk qolunu 22-ci dəqiqədə vurub. 45+3-cü dəqiqədə yarımmüdafiəçi Morqan Rocers Birminhem komandasının üstünlüyünü ikiqat artırıb. "Tottenhem"in yarımmüdafiəçisi Uilson Odober 54-cü dəqiqədə buraxılan qollardan birinin əvəzini çıxıb.
Paralel keçirilən oyunlarda aşağıdakı nəticələr qeydə alınıb:
"Kembric Yunayted" - "Birminhem Siti" - 2:3
"Bristol Siti" - "Uotford" - 5:1
"Qrimsbi Taun" - "Ueston-syuper-Mer" - 3:2
21:12
İngiltərə Kubokunun "Mançester Siti" və "Ekseter Siti" arasında üçüncü tur matçı başa çatıb.
İdman.Biz bildirir ki, komandalar Mançesterdəki "Etihad" stadionunda oynayıblar. Xosep Qvardiolanın komandası 10:1 hesablı qələbə qazanıb.
12-ci dəqiqədə "Siti"nin müdafiəçisi Maks Alleyn hesabı açdı. 24-cü dəqiqədə yarımmüdafiəçi Rodri komandasının üstünlüyünü ikiqat artırıb. 42-ci dəqiqədə "Ekseter Siti"nin yarımmüdafiəçisi Cek Heyz öz qapısına qol vurub. 45+2-ci dəqiqədə müdafiəçi Cek Fitzvoter də öz qapısına qol vurub.
49-cu dəqiqədə müdafiəçi Riko Lyuis "Mançester Siti"nin yeni oyunçusu Antuan Semenyonun ötürməsindən qol vurub. 54-cü dəqiqədə Semenyo özü qol vurub. Yarımmüdafiəçi Teyani Reynders 71-ci dəqiqədə oyunun yeddinci qoluna imza atıb. Yarımmüdafiəçi Niko O'Reyli 79-cu dəqiqədə hesabı 8:0 edib. "Siti"nin hücumçusu Rayan MakAydu 86-cı dəqiqədə fərqlənib. "Ekseter Siti"nin yarımmüdafiəçisi Corc Birç 90-cı dəqiqədə təsəlli qoluna imza atıb. Lyuis 90+1-ci dəqiqədə ikinci qoluna imza atıb – 10:1.
Digər kubok oyununda "Lester Siti" 2:0 hesabı ilə "Çeltnem Taun"dan üstün olub.
İngiltərə Kubokunun digər üçüncü tur oyunlarında aşağıdakı nəticələr qeydə alınıb:
"Vulverhempton" - "Şrusberi Taun" - 6:1
"Fulhem" - "Midlsboro" - 3:1
"Şeffild Uensdey" - "Brentford" - 0:2
"Stok Siti" - "Koventri Siti" - 1:0
"Donkaster Rovers" - "Sauthempton" - 2:3
"Nyukasl" - "Bornmut" - 3:3 (penatltilərlə 6:5)
"Bernli" - "Milluoll" - 5:1
"İpsviç Taun" - "Blekpul" - 2:1
"Borhem Vud" - "Berton Albion" - 0:5
19:03
İngiltərə Kubokunda altıncı divizionunun təmsilçisi "Makklsfild Taun" və hazırkı qalib "Kristal Palas" arasında keçirilən üçüncü tur matçı başa çatıb.
İdman.Biz bildirir ki, oyun İngiltərənin Makklsfild şəhərindəki "Moss Rouz" stadionunda baş tutub. Meydan sahibləri 2:1 hesabı ilə qalib gəliblər.
"Makklsfild Taun"un yarımmüdafiəçisi Pol Douson matçın ilk qolunu 43-cü dəqiqədə vurub. İkinci hissədə İsaak Bakli-Riketts 60-cı dəqiqədə meydan sahiblərinin üstünlüyünü artırıb. Qonaqların hücumçusu Yeremi Pino 90-cı dəqiqədə buraxılan qollardan birinin əvəzini çıxıb.
Bu, 1909-cu ildən bəri non-liqadan olan bir klubun (5-ci divizion və ya daha aşağı) İngiltərə Kubokunun qalibini məğlub etdiyi ilk haldır.
Digər kubok oyununda "Everton" penaltilərlə "Sanderlend"ə məğlub olub. Oyunun əsas vaxtı isə 1:1 hesabı ilə başa çatıb.
